වර්තමානයේ ස්මාර්ට් ජංගම දුරකථන අතුරින් වඩාත් ජනප්‍රිය වන්නේ Android හා iPhone දුරකථන වේ. අලුතින් ජංගම දුරකථන මිලදී ගන්නා සිටින බොහෝ දෙනෙකු Android මිලදී ගන්නවාද, නැතහොත් iPhone මිලදී ගන්නවාද යන්න පිලිබඳ දෙගිඩියාවකින් පසුවන අතර දැනට ස්මාර්ට් ජංගම දුරකථන භාවිතා කරන පුද්ගලයන් වෙනත් ජංගම දුරකථනයක් සඳහා මාරු වීමට යාමේදීත් "වඩා හොඳ" ජංගම දුරකථනය පිලිබඳ තීරණය කිරීමට දෙගිඩියාවෙන් පසුවෙති.

මේ සම්බන්ධව CNN වෙබ් අඩවිය මගින් සිදු කළ සමීක්ෂණයක් මගින් විවිධ කටයුතු කිරීම අතින් Android හා iPhone දුරකථන ඉදිරියන් සිටින්නේ කුමන දුරකතනයද යන්න පෙන්වා දී තිබේ.

APPS භාවිතය

Apps කළමනාකරණය අතුරින් Android දුරකථන ඉහල තැනක් ගනී. වැඩි පුර භාවිතා කරන ඇප්ස් වලට ප්‍රමුඛතාවයක් ලබාදීමටද android apps drawer එක මුල්තැනක් ලබාදී තිබේ.

දුරකථන ඇමතුම් ගැනීම

දුරකථන නාමාවලිය Android දුරකථන වල ඉතා අලංකාර ලෙස "ප්‍රියතම ඇමතුම්" පෙන්වා තිබුනත් ඇපල් දුරකථන වල "face time" විශේෂාංගය නිසාවෙන් ඇපල් අයි ෆෝන් ඉදිරියෙන් සිටී.

ඡායාරූප ගැනීම

ඡායාරූප ගැනීම අතින් අයි ෆෝන් දුරකථනය ඉදිරියෙන් සිටින අතර ඡායාරූප කලමනාකරණය අතින් ඉදිරියෙන් සිටින්නේ Android දුරකථන වේ.

දුරකථන නාමාවලිය

දුරකථන නාමාවලිය අතින් ඇපල් හා android දුරකථන දෙකම සම තත්වයේ පසුවේ. ඇපල් දුරකථන දුරකතනයේ ඇති සම්බන්ධතා සඳහා ෆේස්බුක් සමග සම්බන්ධ වී ඡායාරූප එකතු කිරීම වැනි පහසුකම් සලසා දුන්නත් android දුරකථන සඳහා එය සිදු කිරීමට වෙනත් app එකක් භාවිතා කිරීමට සිදුවේ.

මාර්ගය සොයාගැනීමට

මාර්ගය සොයා ගැනීම සඳහා අවිවාදයෙන් ඉදිරියෙන් සිටින්නේ Google Maps ය. Google Maps අයි ෆෝන් සඳහා සහය දැක්වුවත් "සිරි" සඳහා එය සහය නොදක්වයි.

Email යැවීමට

email යැවීම අතින් පහසු හා සරල පරිශීලක මුහුණතක් අයි ෆෝන් භාවිතා කරන අතර එය Android වලට වඩා ලේසි හා පහසු වේ.

Torch එක ඔන් කරගන්න

අයි ෆෝන් තුල ඉතා පහසුවෙන් දුරකතනයටම පැමිණෙන අංගයක් වුවත් Android සඳහා බොහෝවිට වෙනත් app එකක් භාවිතා කිරීමට සිදුවේ.

ආරක්ෂාව

අයි ෆෝන් වල ඇඟිලි සලකුණ මගින් දුරකතනයට ඇතුළුවීමේ ඔඅහසුකම ඇත. Android සඳහා මුහුණ පෙන්වා දුරකථනය වෙත පිවිසීමට අවස්තාව සලසා දී තිබුනත් එය එතරම් සාර්ථක ක්‍රමයක් නොවේ.