සැමියා බිරියගේ මරුවා වෙයි

පවුල් ආරවුලක් මත තම බිරිදට පිහියෙන් ඇන ඝාතනය කළ බව කියන සැකකරුවෙකුව අත්අඩංගුවට ගෙන ඇති බව කොස්වත්ත පොලීසිය කියයි. සඳුදා(14) රාත්‍රී 7.30 ට පමණ මෙම ඝාතනය සිදුවී ඇත. මිය ගොස් ඇත්තේ නාත්තන්ඩිය,ඉහල කොට්ටරාමුල්ල, පදිංචිව සිටි(48) දෙදරු මවකි

.

පොලීසිය විසින් අත්අඩංගුවට ගෙන ඇත්තේ මිය ගොස් ඇති කාන්තාවගේ ස්වාමිපුරුෂයා බව කියන 52 හැවිරිදි අයෙකුය. මිය ගොස් ඇති කාන්තාවගේ දියණියට වයස අවුරුදු 16 ක් වන අතර පුතාට වයස අවුරුදු 14 කි.කිසියම් හේතුවක් මත අඹු - සැමියන් වෙන්වී ඇති අතර මිය ගොස් ඇති කාන්තාව දරු දෙදෙනා සමග ජීවත් වී ඇත.මෙම පවුල් ආරවුල සම්බන්ධයෙන් අධිකරණයේ පැවති නඩු විභාගයකදී වන්දි මුදලක් ගෙවන ලෙස සැකකාර සැමියාට නියම වී ඇත.

එම වන්දි මුදල සම්බන්ධයෙන් කථා බහ කිරීම සදහා සැකකරු මිය ගොස් තම බිරිදගේ නිවසට 14 වැනිදා රාත්‍රීයේ පැමිණ ඇත. එම අවස්ථාවේදී ඇති වූ කථා බහක් දුර දිග යාමෙන් පසුව සැකකරු සගවා ගෙන තිබූ පිහියකින් මිය ගොස් ඇති කාන්තාවට ඇණ ඇත.

තුවාලකාරිය මාරවිල මූලික රෝහලට ඇතුළත් කළත් ඇය ඒ වන විටත් මිය ගොස් තිබී ඇත.පොලීසිය විසින් අත්අඩංගුවට ගෙන ඇති සැකකරු මාරවිල දිසා අධිකරණයට ඉදිරිපත් කිරීමට නියමිතය.කොස්වත්ත පොලීසිය වැඩිදුර විමර්ශණ කටයුතු කර ගෙන යයි.(ලක්බිම )