රියදුරාට නින්ද යාම වලක්වා ගැනීමේ පද්ධතියක් ලංකාවෙන් සොයාගනී

රියදුරන්ට නින්ද යාම හේතුවෙන් සිදුවන අනතුරු වලක්වා ගැනීමේ නවතම පද්ධතියක් මොරටුව විශ්ව විද්‍යාලයේ පරිගණක හා ඉංජිනේරු අංශයේ ශිෂ්‍ය කණ්ඩායමක් විසින් නිර්මාණය කොට තිබේ. වෙනත් බොහෝ රටවලද මෙවන් පද්ධති තිබුනත් එහි ඇති දුර්වලතාවය වන්නේ එම පද්ධතිය ක්‍රියාත්මක කිරීමටනම් එහි අංගයක් රියදුරාටද පැළඳගෙන සිටීමට වීමයි.

නමුත් එම තත්වය මග හරිමින් ලංකාවෙන් බිහිවූ මෙම පද්ධතිය නම් කොට ඇත්තේ "රියදිසි පද්ධතිය" නමිනි. වාහනයේ ඉදිරිපස පුවරුව මත සවිකළ හැකි කැමරාව මගින් නිදිමත ගතිය ඇතිවීමේදී සිදුවන ඇසි පියගසන වාර ගණන, ඈනුම්යාම, නිදිකිරා වැටීම යන අවස්ථා තුන පදනම් කරගනිමින් ඒ පිළිබඳව සංඥාවකින් රියදුරා දැනුවත් කිරීම සිදුකරනු ලබයි.