කොන්දේසියකින් තොරව ආදරෙයි කියල කියන්න ඔබට පුළුවන්ද?

මං ඔයාට ආදරෙයි කියල කී දෙනෙක් කී දෙනකුට කී සැරයක් කියල 

ඇතිද? මේ ලෝකෙ  ඒත් ඒ හැමෝම සාර්ථක පී්‍රතිමත් ආදර සබඳතා 

පවත්වන අය කියල ඔබ හිතනවද?



ඔබේ අත්දැකීම් ඔබේ නිරීක්ෂණ ඇසුරෙන් ඒ ගැන ටිකක් හිතල 

බලන්න.ඔබත් සමහර විට “මං ඔයාට ආදරෙයි කියල කාට හරි කියලා 

ඇති. ඔබට කවුරුහරි ඒ වචන පෙළ කියල ඇති.

ඔබ හදවතින්ම එහෙම කිව්වේ? ඔබට එහෙම කෙනෙක් ආදරෙයි 

කිව්ව නම් එයා ඒක කියල තියෙන්නේ හදවතින්මයි කියලා ඔබට 

ස්ථිරද?

ඔව්. මමත් එයාට ආදරෙයි කිව්වෙ හදවතින්මයි. එයත් මට ආදරෙයි 

කිව්වෙ හදවතින්මයි කියල ඔබ කියයි. සමහර විට. ඔබ දෙන්නම 

හරිම සතුටින් ඉන්නව වෙන්නත් පුළුවන්.

අපි ටිකක් ඉන් ඔබ්බට යමු. “මොනව කළත් මම ඔයාට ආදරෙයි 

“කියල වචන දෙකක් වැඩි කරල හදවතින්ම කියන්න ඔබට පුළුවන්ද?

වෙන විදියකින් කියනව නම් කිසිම කොන්දේසියකින් තොරව මම 

ඔයාට ආදරෙයි කියල කියන්න ඔබට පුළුවන්ද?


ඇත්තටම කොන්දේසි රහිතව කෙනෙකුට ආදරේ කරන්න ඔබට 

පුළුවන්ද? ඔයා මොනව කළත් මට කමක් නෑ. මං දිගටම එක වගේ 

මුළු හදවතින්ම ආදරෙයි කියල කාට හරි කියන්න ඔබට පුළුවන්ද?


මේක ටිකක් හිතල බලන්න ඕන ප්‍රශ්නයක්. එහෙම නේද? මේකට 

ඉංග්‍රීසියෙන් උව්ඛිව්ච්ඊව්ඒඹ් ඹ්ජ් හෙවත් කොන්දේසි විරහිත ආදරේ 

කියලා කියනවා.


මං හිතන්නේ කවුරු කාට මොන තරං ගැඹුරෙන් හද පත්ලෙන් 

ආදරෙයි කිව්වත් ඒ කවුරුත් කොන්දේසි විරහිතව ආදරේ කරන අය ‍

නෙවෙයි. එහෙම කොන්දේසි රහිතව කෙනෙකුට ආදරේ කරන්න 

පුළුවන්ද කියල හිතන්න වෙනව.


අපි හිතමු ඔබේ පෙම්වතිය/පෙම්වතා ඔබව බොරු කරනව කියලා. 

තවත් කෙනෙක් එක්ක ඔබට හොරෙන් සබඳතාවක් පවත්වනව 

කියලා. ඒත් නැත්නම් ඔබව ලැජ්ජාවට පත් කරනව කියලා කියලා. 

දිගින් දිගටම ඔබව පහත් කරල කතා කරනව කියලා. ඔබට  

කෝපාවිෂ්ඨව      ගහනව බණිනවා කියලා. ඔබට නොයෙක් 

විදිහෙන් ශාරීරිකව සහ මානසිකව වද දෙනවා කියලා.

එහෙම කරද්දීත් ඔබ තාමත් අසතුටුදායක පෙම් සබඳතාවක පැටලිලයි 

ඉන්නේ.


ඒ ඇත්තටම ආදරේ හින්දද? ඔබට පුළුවන්ද එහෙම ආදරය කරන්න?


“හා කමක් නෑ. ඔයා මට ඕනතරම් බොරු කරන්න, වංචා කරන්න 

වෙන ඕන කෙනෙක් එක්ක මට



හොරෙන් සම්බන්ධතාවක් තියාගන්න. මට ලැජ්ජා කරන්න, නින්දා 

කරන්න, මාව අනිත් අය ඉදිරියේ පාච්චල් කරන්න,


මට හිරිහැර කරන්න, මගෙ දෙමාපියන්ව පහත් කරල කතා කරන්න ඒ 

ගොල්ලන්ට නින්දා කරන්න ඔය මොන දේ කළත් කමක් නෑ.

මං ඔයාට දිවි හිමියෙන් ආදරෙයි.


නොවෙනස්ව සදාකාලයටම මං ආදරෙයි.. කොන්දේසිවලින් තොරව 

මං ඔයාට ආදරෙයි.” කියල කියන්න ඔබට පුළුවන්ද?


හිතට එකඟව අවංකව එහෙම කියන්න පුළුවන්ද?


මං  හිතන්නෑ කොච්චර ගැඹුරු ආදරයක් හිත ඇතුළෙ තිබුණත් කිසිම 

කෙනෙක් එහෙම කොන්දේසි විරහිතව ආදරේ කරයි කියලා.


ඒත් කොන්දේසි විරහිත ආදරයක් ගැනත් අපිට ඇහෙනව. සමහරු 

එහෙම ආදරයක් ගැන කතා කරනවා. ඒත් ප්‍රායෝගික ජීවිතේදී එහෙම 

ආදරයක් (උව්ඛිව්ච්ඊව්ඒඹ් ඹ්ජ්) තියෙන්න පුළුවන්ද? අපි මොන තරම් 

පරිත්‍යාගශීලී වුණත් මොන තරම් හද ගැඹුරින්ම අනිත් කෙනාට 

ආදරෙයි කිව්වත් අපිටම නොදැනී හෘද අභ්‍යන්තරයෙන් අපිත් ඒ අපි 

ආදරේ කරන කෙනාගෙන් පෙරළා සෙනෙහසක් බලා‍පොරොත්තු 

වෙනව. අපි අපේක්ෂා කරන දේවල් ඔහුගෙන්/ඇයගෙන් නොඅඩුව 

ඉටුවේවි කියන දැඩි විශ්වාසයෙන් බලා‍පොරොත්තුවෙන් තමයි 

කෙනෙක්ට ආදරේ කරන්නෙ. කෙනෙක්ව විවාහ කරගන්නෙ.


මට හිතෙන්නෙ අපි කොයි තරම් පරිත්‍යාගශීලී වුණත් ප්‍රායෝගික 

ජීවිතයේදී සාර්ථක පෙම් සබඳතාවක් විවාහ දිවියක් ගත කිරීමේදී 

සීයට සියයක්ම කොන්දේසි රහිතව ජීවත් වෙන්න ආදරේ කරන්න 

අපිට බැහැ. බලා‍පොරොත්තු වෙන එක සාධාරණත් නෑ.

ඒත් දෙන්නෙක් මුලින්ම ආදරෙන් බැඳෙද්දී බොහෝ විට මේ ගැන 

හිතන්නෙ නෑ. ‘මොනව කළත් මං එයාට ආදරෙයි එයත් මට ඒ වගේම 

ආදරේ ඇති. ඒකයි අපි දෙන්නට දෙන්න දන්නෙම නැතුව මෙහෙම 

ළංවෙන්නෙ’ කියල තමයි බොහෝ විට පෙම්වතුන්ට දැනෙන්නෙ. එත් 

ඒක මුළාවක්. එකිනෙකා ගැන නිවැරදි අවබෝධයක් නැති කමට 

හිතෙන දෙයක්.


රොමාන්තික ලෙස දෙදෙනෙක් හැඟීම්වලින්     ආකර්ෂණය වෙද්දී 

අවට ලෝකය ගැනත් තමන්ට ළංවෙන පුද්ගලයා ගැනත් නිවැරදි 

මානසික සහ සමාජයීය අවබෝධයක් ලබාගන්න බැරිවන තරමට ඒ 

අයගේ මොළයේ ස්නායු ක්‍රියාකාරීත්වයට මානසික බලපෑම් සිදුවන 

බව ලන්ඩන් විශ්වවිද්‍යාලයක පරීක්ෂණවලින් එළි දක්වලා තියනවා.


වෙනත් වචනවලින් කියනවා නම් කෙනෙක් තව කෙනෙක්ට ළං 

වෙද්දී ඒ පුද්ගලයාගේ චරිතය ගැන සැබෑ තක්සේරුවක් ගැන සිතීම 

වැළකෙනවා. ඔහු/ඇය ගැන සෘණාත්මකව හිතෙන්නෙ නෑ. ඒ තරමට 

මොළයේ ස්නායු ක්‍රියාකාරීත්වයේ වෙනසක් සිදුවෙනවා.


මං හිතන්නේ ආදරය අන්ධයි කියල කතාවට කියන්නෙත් ඒක නිසා 

වෙන්න ඇති. ඇත්තනෙ කෙනෙක්ව නිවැරදිව තේරුම් ගන්නෙ නැහැ 

කියන්නෙ ඒ පුද්ගලයාව හරි හැටි දැනගන නෑ කියන එකනෙ.


සමහර වෙලාවට ආදරය අන්ධ විතරක් නෙමේ සමහර වෙලාවට හරි 

මෝඩයි කියලත් හිතන්න පුළුවන්.

නරක මිනිහෙකුව හොඳයි වගේ පේනව නම් තමාව රවට්ටලා බොරු 

කරලා අවස්ථාවාදීව ප්‍රයෝජන ගන්න කෙනෙක්ව දිව්‍යමය 

කුමාරයෙක් වගේ පේනව නම් ඒක අන්ධකමයි මෝඩකමයි දෙකේම 

එකතුවක් නෙමේද?


මට ඕනම හිරිහැරයක් වංචාවක් කරන්න ඕනෑම පීඩාවක් කරන්න මං 

හැමදාම ආදරෙයි කියල කවුරුහරි කියනවනං ඒක හරියට මම කඩේ 

දොර ඇරල තියන්නං ඕන තරං ඔබ බඩු හොරකම් කරන්න යන්න 

කියනව වගේ වැඩක්.


ඔබ දෙවියන් ගැන විශ්වාස කරනව නම් සමහර විට දෙවි කෙනෙකුට 

නම් පුළුවන් වෙයි දුර්වල මිනිසුන්ගෙ මොන වරදක් තිබුණත් දයාබරව 

පිහිට වෙන්න. සමහර විට ආදරයේ උත්තරීතරම සංකේතයක් වූ අම්මා 

කෙනෙකුට පුළුවන් වෙයි අධික දුකක් හිත ඇතුළෙ හංගගෙන වුණත් 

කොන්දේසියකින් තොරව දරුවන්ට ආදරේ කරන්න.

ඒත් රොමාන්තික ලෝකෙ ආදර සබඳතා සම්බන්ධව නම් ඒක ඒ 

විදිහට දකින්න ටිකක් අමාරුයි නේද? එහෙම ආදරවන්තයො ඉන්නව 

නම් එක්කෝ ඒ අය හැඟීම් නැති, හැඟීම් නිර්වින්දනය කරන ලද අය 

විය යුතුයි.


නැත්නම් තමන්ගේ පෙම් සබඳතාව, යුග දිවිය ගැන කිසිම තැකීමක් 

නැති කෙනෙක් විය යුතුයි එහෙම නේද?


ඒ නිසා ඔබට පී්‍රතිමත් ආදර සබඳතාවක් තියාගන්න ඕන නම් ඔබ 

හොඳින්ම මතක තබාගත යුතු එක දෙයක් තියනව.


ඒ තමයි ඔබ හිත යටින් (සමහර විට ඔබටම නොදැනී) අනෙකාගෙන් 

බලා‍පොරොත්තු වන දේ වගේම අනෙක් කෙනත් ඔබෙන් එයාට 

අවශ්‍ය යමක් බලා‍පොරොත්තු වෙන බව.


අනේ‍යාන්‍යව ඒ දේ ලැබුණොත් විතරයි පෙම් සබඳතාවක් සාර්ථක 

වෙන්නෙ. ඒත් සමහරු ඒ ටික හිතන්නෙ නෑ, මම මොනව කළත් 

එයා මට ආදරෙයි කියල හිතල හිතු හිතු දේ කරනව. ඔබත් එහෙම 

කෙනෙක් නම් ඔබට වැඩි කල් පී්‍රතිමත් ආදර සබඳතාවක් තබාගන්න 

ලැබෙන්නෙ නෑ.


අපිට තාරුකාවලට යන්න බෑ. ඒත් තරු එළියෙන් අපේ ගමන් මග 

හදාගන්න පුළුවන්. ඒ වගේ කොන්දේසි රහිතව ආදරේ කිරීම ඔබේ 

අරමුණ කරගත්තට කමක් නෑ. ඒත් ප්‍රායෝගික ජීවිතයේදී 

අනේ‍යාන්‍යව එකිනෙකා සතුටු කිරීම අත්‍යවශ්‍ය බව හිතට ගන්න.

 මයිකල් ආන්ජලෝ