එම්.ජී. ධනුෂ්කගෙන් අලුත් වැඩක්

දෙරණ ඩී්‍රම් ස්ටාර් හයවැනි අදියරේ කිරුළ හිමිකරගත්එම්.ජී. ධනුෂ්ක පසුගිය කා‍ලේ ආන්දෝලනාත්මක චරිතයක් වුණා.ඔහු ගැන විවිධ කථාබහ ඇතිවුණා. මේ සූදානම් වන්නේත් එම්.ජී. ගැන අලුත්ම ආරංචියක් දන්වන්නට. ඒ තමයි එම්.ජී. තමන්ගේම සංගීත කණ්ඩායමක් ආරම්භ කළා කියන ආරංචිය. “ර්ට් ඹඪබඩ .ම්” නමැති මෙම සංගීත කණ්ඩායමේ කුළුඳුල් ප්‍රසංගය පසුගිය 14 වැනිදා බදුරලියේදී පැවැත්වුණා.


  එම්.ජී. දැන් සංගීත කණ්ඩායමක හිමිකරුවෙක්.
(හිනැහී) ඔව්. මම මගේම සංගීත කණ්ඩායමක් ආරම්භ කළා. එය නම් කරලා තියෙන්නේ “ර්ට් ඹඪබඩ .ම්” නමින්.
  මෙහි එළිදැක්වීමේ අවස්ථාව ගැන කතාකළොත්...
පසුගිය 14 වැනිදා බදුරලියේදී කුළුඳුල් ප්‍රසංගය පැවැත්වුණා. එයට ඉතාම ඉහළ ප්‍රතිචාරයක් ලැබුණා.
  ඉදිරියේදිත් MG with O.K”  කණ්ඩායමේ ප්‍රසංග පවත්වනවාද?
දැනට ලංකාවේ ප්‍රසංග 25කට ආරාධනා ලැබිලා තියෙනවා. විදෙස් ප්‍රසංග 6කට ආරාධනා ලැබිල තියෙනවා.
 MG with O.K”  ගමනත් සමග ඔබ දෙරණ සමග තිබූ සම්බන්ධතාවය නැතිවුණාද?
නැහැ... නැහැ.. එහෙම වෙන්නේ නැහැ. මම තවමත් දෙරණ සමග ඉන්නවා. දෙරණ හා මා අතර ඇති සම්බන්ධය එකක්. සංගීත කණ්ඩායම හා මා අතර සම්බන්ධය තව එකක්. ඒ සම්බන්ධතා වෙන වෙනම පවතිනවා.


  ඔබේ සංගීත කණ්ඩායම ගැන විස්තර ටිකකුත් කියන්න.
අමිල, භානුක, ශෂි සහ මම මෙහි ගායකයන් ලෙස කටයුතු කරනවා. ශෂි ගයන්නේ දමිළ ගීත. ඊට අමතරව තිලිණ (ඩ්‍රම්ස්), තිලිණ (කීබෝඩ්), සාගර (ඔක්ටපෑඩ්), මලිත් (බේස්), ප්‍රදීප් (ලීඩ්) හා රියන්සි (රිදම්) වාදනයෙන් මීට එකතු වනවා.
මගේ ගීත වාගේම අනෙක් අයටත් අලුත්ම ගීත තිබෙනවා. අපි ඒවා ගයනවා.
 ධනුෂ්කට දැන් තමන්ගේම අලුත් ගීත තියෙනවා.
ඔව්. මට දැන් මගේම අලුත් ගීත තියෙනවා. ඒ වගේම තවත් ගීත කීපයක් කරන්නත් හිතාගෙන ඉන්නවා.
  සංගීත කටයුතු ඇරුණාම ධනුෂ්ක දායක වන වෙනත් කටයුතු මොනවාද?
වෙනත් කටයුතුවලට දායකවන්න කාලය තමයි මදි. චිත්‍රපටයකට පසුබිම් ගීත ගයන්න ආරාධනා ලැබුණා. ටෙලි නාට්‍යවල රඟපාන්නත් ආරාධනා ලැබුණා. බලමුකෝ ඉදිරියේදී විවේකය අනුව මේ හැමදේටම පුළුවන් විදියට දායකවන්න තමයි හිතාගෙන ඉන්නේ.
  පෞද්ගලික තොරතුරු කතා කළොත්...?
(හිනැහී) පෞද්ගලික ජීවිතයේ මේ දවස්වල තියෙන ලොකුම තොරතුර අසනීප තත්ත්වය. එක දිගට නිදි නැතුව ගොඩක් වෙහෙසුණ හින්දා උණ හැදුනා. ටිකක් විවේක අරගෙන ආයෙම සුපුරුදු තත්ත්වයට එනවා.
  දැන් දිගටම පදිංචිය කොළඹද?
ඔව්... ඒත් මම විවේකයක් ලැබුණ හැටියෙම ගමට යනවා තාත්තව බලලා එන්න.
  මේ කටයුතු සමග විවාහය දවසින් දවස පමාවෙනවා නේද?
(හිනැහී) ඒකනම් ඇත්ත තමයි. ඒත් ඉතින් මොනවා කරන්නද? මේ කාර්යබහුලකම ටිකක් අඩුවුණාම තමයි ඒ ගැන හිතන්න වෙන්නේ.
  පෙම්වතිය මොකද ඒ ගැන කියන්නේ...?
එයා මේ තත්ත්වය තේරුම් ගෙන ඉන්න හින්දා ප්‍රශ්නයක් නැහැ.
  ධනුෂ්ක ගමට යන්නේ ඉඳහිට. නිතර හමුවන්නෙ නැති හින්දා ඇගේ නෝක්කාඩු එල්ලවන්නෙ නැද්ද?
නිතර යන්න නෑ වගේම දුරකථනයෙන් කතා කරන අවස්ථාත් අඩුවෙනවා. ඒකට හේතුව මගේ කාර්යබහුලකම බව ඇය දන්නවා. ඒ වගේම විවේකයක් ලැබුණ හැටියේ මම ඇයවයි මගෙ තාත්තවයි බලන්න ගමට එන බව ඇය දන්නවා. මේ වැඩකටයුතු ටික ඉවරවෙලා අපි විවාහ වෙනවා.
 ආරියවංශ කුලතිලක