ලොව උසම මිනිසා ලොව මිටිම මිනිසා හමුවූ මොහොත

ලොව උසම මිනිසා වන තුර්කියේ සුල්තාන් කොසේන් හා ලොව මිටීම මිනිසා වන නේපාලයේ චන්ද්‍රා ඩන්ගි අතර හමුවක් ලන්ඩන් නුවරදී හමුවී තිබේ. ඔවුන් දෙදෙනා මෙසේ හමුවී තිබුනේ ප්‍රථම වතාවටය. ගිනස් වාර්තා පොතට වසර හැටක් පිරීමේ උත්සවය වෙනුවෙන් ඔවුන් මෙසේ හමුවී තිබුණි. ලොව උසම මිනිසා වන 31 හැවිරිදි සුල්තාන් කොසේන් ගේ උස අඩි අටයි අඟල් තුනකි. ලොව මිටීම මිනිසා වන 75 හැවිරිදි චන්ද්‍රා ගේ උස සෙන්ටිමීටර 55 කි. 

සුල්තාන් මෙලෙස අසාමාන්‍ය ලෙස වැඞීමට හේතුව ඔහුගේ පිටියුටරි ග‍්‍රන්ථියේ ඇති විකෘතිතාවක් හේතුවෙන් වර්ධක හෝමෝර්න අවශ්‍ය ප‍්‍රමාණයට වඩා නිකුත් වීමය. ලොව මෙතෙක් බිහිවූ අඩි අටකට වඩා උස මිනිසුන් දහ දෙනා අතරට එක්වීමට සුල්තාන් කෝසෙන්ට හැකි වූයේ එනිසාය. මෙම දශකයේ බිහිවූ අඩි අටකට වඩා උස එකම මිනිසා වන්නේද සුල්තාන් කෝසෙන්ය. 

72 හැවිරිදි බහධූර් ඩෑන්ජි සිටගත් විට උස සෙන්ටි මීටර  55 ක් වන අතර ඔහුගේ ශරීර ස්කන්ධය කීලෝ ග්‍රෑම් 14.5 ක් වන බව ද වාර්තා වේ. ඩෑන්ජී සිය සම්පූර්ණ ජීවිත කාලයම නේපාලයේ කත්මන්ඩු නුවරට බටහිරින් කීලෝමීටර 250 ක් පමණ එපිට පිහිටා තිබෙන රහිම්කොහිලි නම් අප්‍රසිද්ධ කඳුකර ගම්මානයක ගතකොට තිබේ.

මෙම හමුවෙන් සංතෝෂයට පත් ලොව උසම මිනිසා වන සුල්තාන් ලොව මිටීම මිනිසා වන චන්ද්‍රා හට තුර්කියට පැමිණෙන්නැයි ආරාධනා කොට තිබේ.